ПРЕРОК (1718 м.н.в)

Недела 30.01.2011. Тргнуваме рано наутро од Штип. Горан, Боби и јас. Сеуште е темница. Возиме кон Велес каде се среќаваме со Трајче, Марин, Петар и Александар (сите од планинарското друштво Макпетрол)  и веднаш продолжуваме кон општина Чашка и селото Лисиче. И покрај недостакот од сообраќајни знаци стигнуваме пред главната капија на браната Лисиче од каде продолжжуваме пеш кон нашата целта за овој ден, врвот Прерок.

Врвот Прерок се наоѓа на планината Јакупица и со своите 1718 м.н.в. е реалтивно понизок од неговите соседни врвови ( Иванов Врв, Кале, уште еден Лисец, Бел Камен... ) во чии погледи можевме да уживаме. По 4 часа пешачење стигнуваме на врвот каде не дочекува „врело“ сонце. Имаме доволно време за панаромска разгледница на околните врвови со исклучок на Солункса Глава која успева да се задржи во облаци за целиот период. Марин, Трајче и Петар ја користат приликата да ги испробаат „снегохотките“ на враќање до каде што дозволува снегот додека ние ги користиме придовките од натапканиот снег движејќи се зад нив. На пат кон долу фрламе по некој поглед на езерото и повторно излегуваме на асфалтниот пат кој не носи на стартната точка. Од таму продолжуваме кон Чашка, Велес и до нашето дома.

Повеќе слики на линкот http://picasaweb.google.com/astrajon.mk/AkAstrajonPrerok#

Жикица Ивановски